Лекарите примарната здравствена заштита (ПЗЗ) за време на пандемијата во континуитет беа активно вклучени во процесите на тријажа, дијагностицирање, следење на лесните форми на пациенти со инфекциии како и во КОВИД-19 вакцинацијата. Тие треба да се постојано во тек со сите новости и информации за најнови пристапи до терапија и третман на вонболнички пациенти, со цел намалување на последиците и смртноста.
Во таа насока, Министерството за здравство и Македонското лекарско друштво, а со помош на УНИЦЕФ и УСАИД, подготвија документи: “Совети за клиничка пракса за терапија и следење на КОВИД-19 кај бремени, деца и општа популација” кои се базираат на сите досегашни искуства од регионот, Европа , светот како и најновите препораки на сите релевантни институции и научно докази.
Македонско Лекарско Друштво уште од почетокот на КОВИД-19 пандемијата, истата ја опфаќа од сите аспекти: превенција, дијагноза, третман, компликации, вакцинација, а за истите тие цели и постојано известува, организира обуки и споделува информации за полесно справување со истата.
Осигурајте се дека информациите за КОВИД-19 ги добивате од доверливи извори како на пример Министерството за здравство, Институт за јавно здравје, УНИЦЕФ и Светската здравствена организација. Дел од овие организации непрекинато работи заедно со глобални здравствени експерти за да обезбеди точни информации, базирани на докази.
Ве советуваме да ја проверите и HealthBuddy+, мобилна апликација изработена од регионалните канцеларии на УНИЦЕФ и СЗО, достапна на македонски и на албански јазик благодарение на финансиската поддршка од УСАИД. Таа дава пристап до најновите информации врз основа на податоци за КОВИД-19 и за вакцините против КОВИД-19. Апликацијата може да се преземете ја од Apple и Google Play за да комуницирате со чатботот, да пријавите гласини и да учествувате во анкети – сето тоа на дофат на рака.
Како здравствени работници, ние имаме и морална обврска да помогнеме и во борбата против дезинформациите за КОВИД-19. Споделете ги овие информации со Вашите колеги за да се осигураме дека сите ги имаат овие факти за КОВИД-19 и дека можат да го заштитат здравјето на своите пациенти како и сопственото здравје.